المساعد الشخصي الرقمي

مشاهدة النسخة كاملة : 3 خرفان ( من روائع الشعر العامي الفصيح ) فقط اقرأها. احمد بركات


احمد بركات
07-07-2006, 05:18 AM
تلات خرفان

تلات خرفان ومعزايه و شجرايه وبير بترول

وغيط سارح لحد عنينا ما تودي

و ديب فجعان

تلات خرفان مايتاكلوش في يوم واحد

مايتهضموش

راح للخروف

اول خروف

قال يا خروف

ولا اخوك متنغنغين متنعنعين

وانت هنا في اسوأ ظروف

يادي الكسوف

قام الخروف

علشان خروف

ضرب الخروف

الديب هايسكت ؟!!!!

راح للخروف

تالت خروف

قال يا خروف

شفت الخروف

ضرب الخروف

احميك انا....

واديني بس معاك هنا في الدار مكان

قام الخروف

علشان خروف

إداه مكان


يوما سنقرأ في الجريدة يا بلادي اننا كنا خراف

سيجف هذا النفط فوق جلودكم

ونودع السبع السمان لنلتقي الفا عجاف

سيحاكم التاريخ حكام العروبة كلها

وسينزع الاظفار منهم في سبيل الاعتراف

فالشعر ان مس السياسة يستحيل مصائبا

و الشعر ان مس الصعيديين مثلي يستحيل كحد سيف لا يخاف



انا لا اخاف


من كام سنه بنهش بايدينا الفيران


ونقول

مانتدخلش في شئون الجيران

راسمين رجولتنا ادب

ناقشين ايدينا نقش حنه و قلنا..........سُنه

يا بلاد ماليها الا العجب

يا معرمين شعر و ادب

الوزن هو اللي اختلف ولا الميزان اللي انقلب

عايزينني اقول اشعار في محمد الدرة

مش قايل

مش قايل

منا لما قلت زمان يا بلادي يا رحبه

يا رحبه

اللي اتلوي مني و اللي اتقمص

وقالوا عيب يا هشام

القاعه فيها بنات

طب هي و فلسطين ما فيهاش بنات

طب و الله دي فلسطين نسوانها رجاله

هما اللي عماله

واحنا اللي قواله

الست عندينا ولدها طول الباب

وتخاف يروح مشوار

وهما بعيونهم

شايفين ولادهم دهب

لاجل ما يلمع اكتر

لازم يدوق النار

وتقوللي اقول اشعار !!!!!!!!!!!




اعطوني عاما تقريبا لأجيد اللغة العبريه

فالجاري في وطني هذا

أخجلني صدقا ان انطق شعرا باللغة العربيه..






كتبها صديقي / هشام الجخ
وكانت اروع ما سمعت منه وان كنت لا احفظها كاملة الا ان هذه الابيات دائما ما تبكيني .

(بلسم)
14-07-2006, 01:04 PM
قصيده رائعة جداً
وأخبر صديقك هشام أنه مبدع إذا كان لا يعلم ذلك
وأتمنى دائماً أن تزودنا بجديده

غَيَد
14-07-2006, 06:47 PM
و الله ما قاله مبكي و حالنا يبكي و ما نراه الآن في غزة و لبنان يبكي

و لا نعرف ما آخرة البكاء و الإنتظار

الى اين سنصل و الى اين اسرائيل ستصل

الله يحمينا فالدور القادم علينا و الدور ماشي على الكل بدون استثناء

شكرا لصديقك على القصيدة و بإنتظار المزيد

و اهلا بك و به في عالم بلا مشكلات

أسامة11
25-07-2006, 05:50 PM
قصيده جميله و معبره
مشكووووووور اخي احمد

me9000
26-07-2006, 01:06 AM
بسم الله الرحمن الرحيم
اخي العزيز اخبر اخيك هشام ان يبطل كثر الكلام ويروح اوام ينشر قصيدته بجد فنان مرهف الحس والوجدان وثلاث خرفان
اقصد ثلاث سلامات لهشام صاحبك

احمد بركات
29-07-2006, 03:02 AM
اشكر الجميع علي الرود الرقيقه و انا اعتذر للجميع علي انها مش كامله ع العموم انا اخدتها كامله و ان شاء الله هاعيد نشرها

هشام الجخ
25-02-2007, 06:59 AM
اولا انا هشام الجخ .. واشكرك يا صديقي اللي انا معرفهوش .. ولو عملت search على جوجل باسم هشام الجخ باللغة العربية حتلقى منتديات كتيرة عليها القصيدة كاملة وكمان روابط لتحميل القصيدة بصوتي شخصيا .. انا بشكرك جدا يا بركات واتمنى اشوفك او اسمع ابداعاتك الخاصة تليفوني ..... وكمان ايميلي ....رجوك كن على اتصال وربنا يوفقكم جميعا .. اخوك هشام الجخ

===========

يمنع وضع الإيميلات في المنتدى , كما يمنع وضع اي من ارقام الهواتف او العناوين الشخصية مهما كانت في المواضيع و ذلك وفقا لقوانين الموقع

الإشراف

احمد بركات
03-12-2007, 10:57 AM
اليكم القصيدة كامله
وان كنت لا تذكرني يا أستاذ هشام فذلك لأني متغيب عن الجامعه منذ 3 سنوات و انا الآن مقيم بالامارات و لكن ان سألت أي فرد من فريق المسرح بالكلية التي تعمل بها فسوف تتذكرني ان شاء الله


تلات خرفان
دي حكاية و كان ياما كان
ولا يحلالي اي كلام الا بذكر النبي الهمام عليه الصلاة و السلام
تلات خرفان
و معزاية
و شجراية
و بير بترول
و بيت عمران
و غيط سارح لحد عنينا ما تودي
و شمس اصيلة بتجمع و لا تودي
و ديب فجعان
تلات خرفان ما يتكلوش في يوم واحد .... ما يتهضموش
راح للخروف اتخن خروف
قال يا خروف عيال اخوك متنعنعين و متنغنغين وانت هنا في اسواء ظروف يادي الكسوف
راح الخروف - علشان خروف - ضرب الخروف
الديب هيسكت؟!
راح للخروف تالت خروف ... شفت الخروف ضرب الخروف
احميك انا و ابات معاك في الدار هنا و اديني بس انت مكان
راح الخروف - علشان خروف - اداه مكان



يوما سنقرأ في الجريدة يا بلادي اننا كنا خراف
سيجف هذا النفط فوق جلودنا و نودع السبع السمان و نلتقي الف عجاف
سيدون التاريخ اسماء الملوك العادلين الصابرين الساكتين الكاتمين الصوت بين شعوبهم مثل الظراف
سيحاكم التاريخ حكام العروبة كلها وسينزع الاظفار منهم في سبيل الاعتراف
اني احبك يا بلادي مرغمً ... و اقول شعراً يا بلادي مرغمً
و الشعر إن مس السياسة يستحيل مصائباً ... و الشعر إن مس الصعيدين مثلي يستحيل كحد سيف لا يخاف
انا لا اخاف



من كام سنة بنهش بأدينا الفيران
و نقول منتدخلش في امور الجيران
من كام سنة رسمين رجولتنا ادب
نقشين ادينا نقش حنا وقلنا سُنه
ورمينا من ايدنا سلاحنا وقلنا هُدنا
وبلدنا بكر بتغتصب يعلى صوتها غصب عنها نتهمها بالشغب
يا بلاد ما ليها الا العجب يا معرمين شعر و ادب
هى الرجولة تتوزن وقت الغضب غير بالغضب ؟!
هو اللي متاخد غصَب مش برده يتاخد غصَب ؟!
يا بلاد ما ليها الا العجب يا معرمين شعر و ادب
الوزن هو اللي اختلف ولا الميزان اللي اتقلب
من كام سنة بنسئل بهية مين قتل ؟!
و احنا اللي قتلينه بأدينا
مدينا ايدنا للغريب وفبعض عاضينا و عادينا
مين اللي ظالم في الحكاية و مين جبان
ما نلومش عالديب اللي خان
احنا اللي خرفان بالوراثة
الصبر وارثينه وراثة
و الطاعة وارثنها وراثه
و الحكم وارثينه وراثة
وحاجات كتيرة مش وراثة ... احنا خدناها وراثة
انا كل ماتذكر تحية العلم يسرح خيالي، كان صوتي لسة عيالي بس عالي
كنت احس اني بهز المدرسة
كان العلم من فرحته يرقص على الساري اللي شايله
طب كنتوا ليه بتعلمونا نحفظ البر و جمايله
طب كنتوا ليه بتعلمونا نكره الظلم و عمايله
لما انتوا ناوين تسجنونا في ارضنا
كان ايه لزومه العلم و همومه و رزايله
طب كنتوا سبتونا بهايم ... كنا نمنا مرتاحين
ازاي ابيع ارضي وعارف ان جسمي اصله طين
طب كنتوا علمتونا مثلا اننا من اصل تركي او اوروبي ان جسمنا اصله حلاوة او ملبس ... اشمعنى طين
طب ولما الطين يروح ايه اللي فاضل ؟ ولمين نغني و نفدي روح ؟ ولمين نناضل ؟ ولمين اعود و اشتاق واحب و اغير و اكافح ؟ ولمين اغني و اقول بحبك يا بلد ؟ و الحب طاهر



لاموا عليا الناس عايزني اقول اشعار في محمد الدرة
مش قايل ... مش قايل
ما انا لما قلت زمان يا بلادي يا راحبة ... راحبة
قالوا ده واد سافل ، واللي اتلوت مني و اللي اتقمس مني و نزلت عنيهم مالخجل في الارض و بهدلوني و حدفوني لبعض وقالوا بردك عيب القاعة فيها بنات.
طب يعني و فلسطين مش برده فيها بنات؟!
والله دي فلسطين نسوانها رجالة، هما اللي عمالة واحنا اللي قوالة
عندينا تبقى الست ولدها طول الباب وتخاف يروح مشوار
وهناك حريمهم غضب شايفين عيالهم دهب وعشان مايلمع زياده لازمان يدوء النار.
وتقول اقول اشعار ......... مش قايل
هما تلات كلمات ... نعم، اكيد، طبعاً .... وطول مافيه جبنا فرعون بيتفرعن
والشعر اصله جبان اللي يقوله جبان واللي يعيده جبان
قلنا بلاش نكتب و الحرب اولالنا ..... قالوا حرام و النبي خالولنا اولادنا
خايفين على عيالهم مالجنة و نعيمها
شفتوش خيابة و هم الاسم رجالة و الاسم عندينا دم!
دي ام موسى المره خافت على ولدها رمته في قلب اليم
واحنا بنتسولج وبنتشوي قرارات، تطلع قراراتنا صورة جماعية على صفحة الجرنان
يا مشجع الفرسان

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــ

همست في ودني بحبك
همست في ودني بحبك، كان جسمها مفرود و الخمرة عامياني
وبياض ايديها كان بيزعق لما تعدل شعرها
الواد بيعرج م الرصاصة اللي في رجله
شدت حزام الروب وبانت زي شئ معرفش شعر يوصفه
كانوا العساكر اربوا و الواد متبت عالحجارة اللي في ايديه
مدت ايديها وقفت كل الساعات، صوت الكاسيت نبهني اني في شقتي
كانوا العساكر اربوا بيأربوا بيأربوا و الواد متبت عالحجارة اللي في ايديه
وقعت ازازة البيرة من ايدي على طرف السرير
الواد صرخ في مخبأه
فاتلفتت قلقانه خايفة لاتجرح، جريت على الصوت
العساكر وابتدى صوت الرصاص يملى الجبل
دورت عندي في الدولاب على حاجة تنفع لجل تتحزمي بيها ما التقيت غير شال اخويا اللي اتقتل تحت الجبل كان برده يعرج لما يمشي من الرصاصة اللي في رجله
وكان متبت عالحجارة اللي في ايديه
مين اللي خانك يا وطن؟
العت حلقها لما عوارني فرقبتي وحتطه جمب السرير
نامت على الارض العساكر لجل تسمع دبت الواد اللي لسة مستخبي
أتكسف صخر الجبل من وقفته هيج رماله عالعساكر
سامحيني يا وحدك ... مقدرش اعيش هارب انعس فحضنك كيف والرمله في الصحراء واقفة و بتحارب
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ

أعطوني عاماً تقريباً لأجيد اللغة العبرية
فالجاري في وطني هذا اخجلني صدقاً أن أكتب شعراً باللغة العربية


هشام الجخ

ابوعبدالملك
03-12-2007, 09:15 PM
ندعو ربنا يفرجها على المسلمين

وبعدين الخرفان كبرت وصارت اسود بعد ما اكل الذيب الخروف الاول


كان ايه لزومه العلم و همومه و رزايله
طب كنتوا سبتونا بهايم ... كنا نمنا مرتاحين

العلم نور يابركات

ربنا يبارك فيك وعليك يابركات

ونتمنى ابداعاتك القادمة بس جنب الحيط